اوچا: روانه میاشت یې له زرګونه کسانو سره بشري مرستې کړي

عزم(دوشنبه، ۰۱ لیندۍ، ۱۴۰۰ل): د ملګرو ملتونو د بشري مرستو د همغږۍ دفتر«اوچا» وايي، په روانه میاشت کې یې په افغانستان کې له زرګونه خلکو سره بېلابېلې بشري مرستې کړي دي.

یادې ادارې په خپل اوونیز راپور کې ویلي، د افغانستان په شمال ختیځ کې یې ۸۶،۴۲۹ تنه د بشري مرستو د تر لاسه کولو لپاره پېژندل شوي دي.

همدارنګه په شمال کې څه باندې ۲زره تنو نغدې مرسته تر لاسه کړې ده او هم د هېواد په ختیځ کې ۱۳،۵۱۸،۴تنو هم بشري مرستې تر لاسه کړي دي.

د اوچا له لوري په خپاره شوي راپور کې ویل شوي، د هېواد په لوېدیځ کې ۲،۳۴۶تنه د بشري مرستو د تر لاسه کولو لپاره په نښه شوي دي او په دایکندي ولایت کې وچکالۍ ځپلي خلک بشري مرستو ته اړتیا لري.

په هېواد کې هر ژمی د شمالي، شمال ختیځو، شمال لوېدیځو او په ختیځ کې د سختو واورو، واورو ښویېدنو، ورښتونو او نورو طبیعي پېښو له امله لویې لارې تړل کېږي، چې له امله یې خلک له سخت حالت سره مخ کېږي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: