جوزجان: طالبانو شمال کې د داعش وروستی سنګر ونیوه
عزم:۱۳۹۷/۵/۸- امنیتي سرچینو پخلی کړی چې نن له ماښام وروسته د سختو نښتو په پایله کې طالبان وتوانیدل چې د جوزجان ولایت په درزاب ولسوالۍ کې د سردرې ستراتیژیکه سیمه له داعشیانو ونیسي.
د دغو سرچینو په وینا، سردره د هیواد شمال کې د داعشیانو وروستی سنګر وه چې لا هم پکې ددوی شتون وه.
دا سرچینې زیاتوي چې لدې مخکې، طالبانو ټولې هغه سیمې تصفیه کړي چې داعشیانو پکې د واکمنۍ دعوه لرله.
سیمییزې سرچینې وایي چې د طالبانو عملیاتو کې د داعش وسلوال یا وژل شوي، یا اسیران شوي، یا حکومت ته تسلیم شوی او مشران یې لا پخوا نورو ولایتونو او حکومت ته اووښتي ول.