د حکومت لخوا د سولې هڅې، که ملت غولونه؟!

خط اول:

په دې وروستيو کې د طالبانو له لوري په بهرنیو او حکومتي عسکرو بريدونه زيات شوي، چې په ترڅ کې يې ګډو ځواکونو ته په تلفاتو او ښتلو سربېره  د هيواد تر(%۶۰) سلنه ډېره برخه  هم د ځان تر ولکې لاندي راوستلې ده.

په خپل روا او مسلَم موقف درېدا، غربي نړۍ د طالبانو پښو ته کښته کړه او د افغان جګړي سياسي حل ته یې ليوالتيا وښوده او په همدې موخه د امريکا د بهرنيو چارو وزرات له لوري د زلمي خليلزاد په مشري يو مرکچي ټيم ته دنده ورکړل شوه چې په همدې هکله د طالبانو  له استازو سره خبرې وکړي.

د کابل حکومت ، چې د تشکيلاتو لويه برخه يې، جنګي مجرمين او مفسدين دي، خپل ځان په انزوا کې وليده او د ځان مطرح کولو لپاره يې د سولې د مشورتي بورډ دجوړولو سندرې پيل کړې.

د ملي وحدت په نوم بې کفايته حکومت په خپله دوره کې د خپلمنځي اختلافاتو او اداري فساد له امله، د اقتصاد، امنيت او قانون حاکميت په برخو کې، بيخي ناکام شوی اود راتلونکي لپاره ملت پرې هيڅ راز اعتماد نه لري.

اوس چې د ولسمشرۍ راتلونکو ټاکنو ته په شمار مياشتې پاتې دي، اوسنی حکومت غواړي يو ځل بيا افغان ملت د سولې د راوستلو په بې حقيقته او پروژه یي شعارونو، او نمایشي ولايتي سفرونو، تېر باسي او يو ځل بيا د واک پر ګدۍ پاتې شي.

د ګډ حکومت له دندو مستعفي شويو چارواکو هم دا خبره کړې او د سولې تش په نوم شعارونه يې، يوه پروژه او د امتيازاتو اخيستلو  وسيله ګڼلې ده. چې تر ټولو وروستۍ هغه يې اسلام اباد کې د افغان سفير عمر زاخيلوال په ټويټر  څرګندونې دي:

«چې سوله پروژه شي، تشه پروسه شي، بودجه شي، چوکۍ شي، اداري تشکیلات شي، امتیاز شي، شعار شي، لنډ مهاله سیاسي انګیرنه شي، نمایشي کنفرانسونه او سمینارونه شي، او د سولې پلانونه، پالیسۍ، ستراتيژۍ، لیکلې موخې او غوڼډې له بسپنه ورکوونکو د مرستې جذبولو او یا له ولسه د رایو راټولولو وسیله شي نو بیا سوله نشي. که کیدای شوای نو اوس به سوله څو کلنه وای!»

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button