بلخ چمتال کې لس تنه عسکر او اربکیان طالبانو سره یوځای شوي
عزم(جمعه، ۱۷ لړم ۱۳۹۸): طالبان وایي د بلخ ولایت په چمتال ولسوالۍ کې ۱۰ تنه عسکر او اربکیان ورسره یوځای شوي دي.
د طالبانو له لوري په خپره شوې خبرپاڼه کې راغلي چې یادو کسانو ورسره ژمنه کړې چې په راتلونکی کې به بیرته د دولت لیکو ته نه ستنیږي.
خبرپاڼه کې رازي چې دغو کسانو ته د دوی د جلب او جذب په نوم کمیسیون له لوري تود هرکلی وشو کوم چې دولتي کسان د دوی لیکو ته راجلبوي.
طالبانو همدا راز د دغو لس کسانو انځورونه هم نشر کړی دی چې له دولت تازه رابیل شوي او دوی سره یوځای شوي دي.