د اروپا پارلمان افغان چارواکو ته: هیواد کې مو د پراخې بچه بازي مخه ونیسئ
د پارلمان د پریکړه لیک په سریزه کې راغلي، دا ناوړه عمل د افغانستان په څو ولایتونو کې دود دی چې په کې له ۱۰ تر ۱۸ کلونو پورې هلکان د مطرحو څیرو، سیاسي چارواکو او د ملي اردو او پولیسو د عسکرو له خوا تښتول کیږي او یا هم د پیسو په مټ دغه ناوړه کار ته اړ کیږي.
عزم(پنجشنبه، ۲۸لیندۍ ،۱۳۹۸)د اروپا پارلمان په یوه پریکړه لیک کې د کابل حکومت له چارواکو غوښتي چې هر څومره ژر باید په خپل هیواد کې د کم عمره هلکانو د جنسي ځورونې “بچه بازي”مخه ونیسي.
د پارلمان د پریکړه لیک په سریزه کې راغلي، دا ناوړه عمل د افغانستان په څو ولایتونو کې دود دی چې په کې له ۱۰ تر ۱۸ کلونو پورې هلکان د مطرحو څیرو، سیاسي چارواکو او د ملي اردو او پولیسو د عسکرو له خوا تښتول کیږي او یا هم د پیسو په مټ دغه ناوړه کار ته اړ کیږي.
پریکړه لیک کې پر افغان حکومت ژغ شوی چې د دې ناوړه کار جرړې ختمې او د مخنیوي لپاره دې د هیواد په کچه د اړیکو یو پروګرام چې “د ماشومانو د حقوقو د ماتوونکو” په نوم، نومول شوی وي، پیل کړي.
پارلمان ویلي، افغان حکومت باید د دې چارې د لا ښه مخنیوي لپاره د دې کارونو د عاملینو په هکله د مستقیمې خبرتیا ورکولو آسانتیا برابره او ترڅنګ دې یې د ځوانانو او کم عمره هلکانو لپاره د عامه پوهاوي روزنیز پروګرامونه پر لاره واچوي
دا په داسې حال کې ده چې تیره میاشت لویدیځو رسنیو د یوې ټولپوښتنې پر اساس راپور خپور کړ، چې د لوګر په ولایت کې تر ۵۰۰ ډیر زدکونکي ماشومان د خپلو ښوونکو، ټولګیوالو او د ښوونځي د ملګرو له خوا په جنسي توګه ځورول شوي چې ځینو یې ځان وژنې هم کړې دي.
تر دې ور آخوا په ارګ کې د ښځینه چارواکو د مقرري پر مهال د پراخ جنسي رشوت د شتون، په امنیتي پوستو کې د افغان ځواکونو له خوا د کم عمره هلکانو د حنسي ځورولو او په روغتیایي، ښوونیزو، او رسنیزو اداراتو کې هم د ستر جنسي فساد د شتون ادعاوې شته چې تیرو څلورو کلونو کې یې بوږنونکې بیلګې وخت پر وخت رسنیزې شوې دي.