غزل…! / شرافت وياړ
تقلید دې یاره ښکاره نه کوم کیسه جوړېږي!
کنه په ښکلو کې مې تاته عقیده جوړېږي!
ستا د بڼو او زما د زړه د پرهر څه ربط دی؟
ته چې را وګورې زما زخمي سینه جوړېږي!
د یو چا نیمې ځوانیمرګې موسکاګانې ګوره!
زما خیال له ما سره یې نوې یارانه جوړېږي!
ته پکې ګرزه طوافونه پکې یو ته کوه!
د زړه په کور کې مې د عشق نوې کعبه جوړېږي!
بیا یې ټلوال او اشغالګر یادونه ډلې راغلل!
ویاړه په زړه کې مې د یار د یاد پوسته جوړېږي!