طالبان:د بندیانو لیست کې مو کوم جنایي کس نشته
عزم یک شنبه ۱۹ زمری، ۱۳۹۹):وروسته تر هغه چې د اشرف غني پخواني حقوقي سلاکار “عبدالستار سعادت”پر خپله فسبوک پاڼه ادعا وکړه چې ګواکې یوې مور ورته شکایت کړی چې د زوی او د کورنۍ د نورو غړیو قاتل یې په هغه ۴۰۰کسیز جنجالي لیست کې دی چې طالبان یې د آزادولو غوښتنه لري؛ په غبرګون کې طالبانو د یاد بندي په هکله بشپړ تحقیقات کړي او نن یې پایلې رسنیزې کړې دي.
د طالبانو یوه مطبوعاتي چارواکي احمدالله وثیق پر خپله ټویټرپاڼه لیکلي: «د زندانیانو د لیستونو په اړه ځینو اشخاصو ته اندیښنه پیدا شوې وه چې د رحمت الله په نوم یو کس چې دشخصي قتل دسیه لري د بندیانو په لیست کې ځای شوی او ازادیږي.د اسلامي امارت د بندیانو کمیسیون دا موضوع جدي ونیوه د مقتول له کورنۍ سره یې اړیکه ونیوه، د یاد کس مشخصات یې ترلاسه کړل او پوره پلټنه یې وکړه.»
نوموړی زیاتوي چې ددوی له پلټنو وروسته معلومه شوه چې رحمت الله د عصمت الله زوي د بغلان اوسیدونکی چې د قتل “شخصيدوسیه” لري، د پلچرخي په ۶ بلاک کې بندي دی او په خبره یې چې« دامارت د بندیانو په لیست کې یې نوم نشته. »
وثیق ویلي چې ددغه بندي جریان یې د مقتول له کورنۍ سره شریک کړی او د هغوی قناعت یې ترلاسه کړی دی.
۲/۲ د یاد کس مشخصات یې ترلاسه کړل او پوره پلټنه یې وکړه.وروسته معلومه شوه چې رحمت الله د عصمت الله زوي د بغلان اوسیدونکی چې د قتل شخصيدسیه لريد پلچرخي په ۶ بلاک کې بندی دی او دامارت د بندیانو په لیست کې یې نوم نشته. دا جریان د مقتول له کورنۍ سره هم شریک شو او دهغوی قناعت وشو.
— Ahmadullah Wasiq (@AhmadullahWasiq) August 9, 2020
د طالبانو تر پلټنې وروسته ښاغلي سعادت هم د څیړنې پخلی کړی دی
هو، پوره پوښتنه او پلټنه یې وشوه. https://t.co/0L7b4Py1co
— Abdul Satar Saadat (@Satar_Saadat) August 9, 2020
ټولنیزو رسنیو کې د طالبانو لخوا د دغه ډول پر وخت اجراءاتو تود هرکلی شوی او ګڼو فعالانو یې دا اقدام ستایلی دی.