صادق خان وایي افغانانو ته یې‏ ۱۹زره وړیا ویزې ورکړی خو افغانان ویي سلګونه ډالر اخلي

عزم(شنبه، ۲۶ تله ۱۳۹۹): د افغانستان لپاره د پاکستان ځانګړی استازی، صادق خان وايي، په تیرو پنځو ورځو کې یې ۱۹زره افغانانو ته ویزې ورکړي.

هغه په خپل ټویټر لیکلي چې د افغانانو لپاره د ویزې د ورکړې نوې کړنلاره عملي شوې چې له مخې به یې اوږد مهالې ویزې ورکول کېږي.

نوموړی داسې مهال یواځې په پنځو ورځو کې د ۱۹زره ویزو د وړیا ورکړې خبر ورکوي چې د تیر په څیر اوس هم افغانان د سلګونه ډالرو اخیستلو شکایتونه کوي.

د نسیم په نوم یو افغان عزم ته ویلی چې درې ورځې په قطار کې ولاړ وم د ویزې اخیستلو نمبر رانغلو، اخر مې ۷زره افغانۍ ورکړې بیا یې یواځې سفارت ته دننه کړم.

د اکرم په نوم یو بل تن ورته ویلي چې دوه سوه ډالر مې ورکړل ویزه مې واخیستله په وړیا یې میاشت کې هم نشې اخیستلی.

د یادونې وړ دی چې تر دې وړاندې هم څو څو ځله دا ډول شکایتونه شوي، خو نه افغان چارواکو او نه یې پاکستانی اړخ په مخه نیولو توانیدلي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
Close
Close
%d bloggers like this: