د شیعه ګانو د وژنې په تړاو د امرالله صالح ادعا ته د محمد محقق غبرګون؛باید فضاء په لوی لاس ګډوډه نکړو
عزم(شنبه، ۲۲لیندۍ ۱۳۹۹):نن د اشرف غني لومړي مرستیال امرالله صالح ادعا وکړه چې ګواکې ځینو طالبانو چې نوموړي ورته د داعش نوم هم ورکړ، خبرداری ورکړی چې که یې زندانیان اعدام شول، کابل به د شیعه ګانو په مسلخ “قصابي” بدل کړي او له نیول شویو کسانو به سرونه پرې کړي.
د نوموړي دې څرګندونو ته د شیعه ګانو مخکښ مشر او د پخواني اجرایه ریاست مرستیال محمد محقق په غبرګون کې ویلي، چې نباید د اصلاحاتو لپاره خپلې سترګې هم ړندې کړو.
نوموړي زیاته کړې چې د یوه لوړپوړي دولتي مقام لخوا د د شیعه ګانو د وژنې ادعا د یادې ټولنې پر غړو رواني فشار زیاتوي او فضاء نا امنه کوي.
محقق غوښتنه کړې چې مسؤلین دې په تبلیغاتو کې مسؤلانه چلند کوي.
مسؤلين بايد در تبليغات شان مسؤلانه عمل كنند ، روايت شيعه كشى طالبان در كابل از زبان يك مسؤل بلند پايه دولتى فضاى نا امني روانى را عليه جامعه شيعه ها تشديد ميكند.
نبايد عوض اصلاح ابرو چشم را كور بسازيم— Haji Mohammad Mohaqiq (@HMMohaqiq) December 12, 2020
امرالله صالح په خپله ادعا کې نه دي ویلي چې داعش او طالبانو بیا له کومه وخته اتحاد سره کړی په داسې حال کې چې طالبانو تیرو کلونو کې په جوزجان، ننګرهار او کونړ ولایتونو کې د هوایي ملاتړ او د حکومت له ملاتړ سربیره د داعش ډلې ټغر ورټول کړ.
طالب ویاند ذبیح الله مجاهد عزم ته په تماس کې وویل چې ددوی پالیسي ټولو ته څرګنده ده او دصالح “افواهات” په غبرګون نه ارزي