پروان کې د سویابینو یو زر او ۶۰۰ کروندې جوړې شوي

عزم(سه شنبه، ۰۵، کب ۱۳۹۹): د پروان د کرنې، اوبو لګولو او مالدارۍ ریاست چارواکي وايي، په دغه ولایت کې د سویابینو یو زر او ۶۰۰ ننداریزې کروندې جوړې شوي دي.

د یاد ریاست څخه په خپره شوې خبرپاڼه کې ویل شوي، د روان کال په ترڅ کې د دې ولایت د مرکز په ګډون د بګرام او جبل السراج په ولسوالیو کې د ۱۷ میلیونه او ۳۷۳ زره او ۱۳۹ افغانیو په لګښت د سویابینو یو زر او ۶۰۰ ننداریزې کروندې جوړې شوي دي.

د خبرپاڼې له مخې، یادې ننداریزې کروندې په دې ولایت کې د سویابینو د کرکېلي د پراختیا او دودولو په پار د « ANHDO»پروژې له خوا جوړې شوي دي.

دغه راز د غنمو د اصلاح شویو غنمو ته د لاس رسي په موخه د ۱۳۵ زره افغانیو په لګښت بزګرانو ته د غنمو ۲۱ ننداریزې کروندې او د زعفرانو پنځه ننداریزې کروندې هم جوړې شوي دي.

سویابین یو ګټور کرنیز محصول دی، چې د هېواد په ګڼو ولایتونو کې کرل کېږي او په بازار کې هم په مناسبه بیه پلورل کېږي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button
%d bloggers like this: