بلخ کې طالبان او دولت یو بل ته د مرګ ژوبلې اړولو ادعاوې کوي
عزم(دوشنبه، ۹ وری ۱۳۹۹): تیره ورځ د بلخ په چهاربولک ولسوالۍ کې د کمانډو او نورو امنیتي ځواکونو په عملیاتي قوه برید شوی چې طالبان او دولت دواړه یو بل ته د مرګ ژوبلې اړولو ادعاوې کوي.
دفاع وزارت ویلي چې چهاربولک ولسوالیو کې د ملي اردو او ملي او ملي امنیت عسکرو د کمانډو ځواکونو په ملتیا عملیات کړي چې په ترڅ کې یې ۱۲ طالبانو ته مرګ.ژوبله اوښتې.
بلخوا بیا طالبان وایي چې د چهاربولک ولسوالۍ کې یې د عملیاتي قوې دوه ټانګونه ویشتلي، ۵ تنه کمانډویان یې وژلي او ۵ نور یې ژوبل کړي دي.
د یادونې وړ دی چې طالبانو د تخریب شویو ټانګونو او د نیول شویو وسلو او مهماتو انځورونه هم نشر کړي چې په دغه جګړه کې تخریب شوي او لاسته ورغلي دي.