افغان کرکټر فرید ملک له پاکستانه ګټلی مډال د راستنېدونکو هیوادوالو په خاطر پلوري
عزم(چهارشنبه، د لړم لسمه، ۱۴۰۲): د افغانستان د کرکټ ملي لوبډلې لوبغاړی فرید ملک د سپينو زرو هغه مډال له پاکستانه د راستنېدونکو په پار پلوري چې له پاکستان څخه یې ګټلی و.
افغان چټک توپ اچوونکي ویلي چې دا مډال یې په چین کې د اسیایي لوبو پر مهال له ګاونډۍ پاکستانۍ لوبډلې ګټلی و. د نوموړي له قوله چې د سپینو زرو دا مډال به پلوري او پیسې به یې هغه هیوادوالو ته ورکړي چې پاکستانی حکومت یې په زرو باسي.
تر دې مخکې د افغانستان د کرکټ ملي لوبډلې بل لوبغاړي ابراهیم ځدراڼ هم د لوبې د غوره لوبغاړي جایزه هغه افغان کډوالو ته ډالۍ ورکړې وه چې پاکستان یي په زور خپل هیواد ته ستنوي. د ښاغلي ځدراڼ دې ډالۍ ګڼ غبرګونونه راپارولي وو.
څو ورځې وړاندې د پاکستان موقتي لومړي وزیر انورالحق کاکړ په یوه تلویزیوني مرکه کې ویلي و چې که د افغانستان او پاکستان ترمنځ شوې د کرکټ لوبه دوی ګټلې وای؛ نو جایزه به یې هغه امنیتي ځواکونو ته ورکړې وه چې افغان کډوال په زور له هغه هیواد شړي.