په خوست کې چاودنې ۴۸ تنو ته مرګ ژوبله اړولې
عزم / له خوست ولایت نه په رارسیدلو خبرونو کې ویل شوي نن تر غرمي مخکې خوست کې د ولایت مقام ته څیرمه په هغو مظاهره کوونکوخلګو چاودنه شوې چې د خوست د والي پر ضد د والي دکور مخې ته راغونډ شوي وو.
خبر زیاتوي په چاودنه کې دولسي جرګې د وکیل همایون همایوني په شمول ۴۸ تنو ته مرګ ژوبله اوښتې.
د خوست ولایت د دولتي روغتون ډاکټرانو ویلي په پيښه کې ۱۴ ته وژل شوي او ۳۴ نور ټپیان دي.
د طالبانو ویاند ذبیح الله مجاهد په خپله ټیوټر پاڼه له پیښې وروسته سمدستي ولیکل چې د خوست په پیښه کې دوي هیڅ لاس نلري .
له تیرو دوو اونیو راهیسې د خوست د والي عبدالجبار نعیمي پر ضد داولسي خلګو مظاهرې روانې دي، اولسي خلګ والي په فساد تورنوي او له خوست ولایت نه دلري کیدو غوښتنه یې کوي.
احمدبشار
2015/4/2 م