پر غزې د اسرائیلو بریدونو دوام؛ ګوترش دې وحشت ویرولی
عزم: (پنجشنبې، د لړم ۱۱مه، ۱۴۰۲)؛ د ملګرو ملتو سرمنشي انتونیو ګوترش د غزې په شمال کې د اردوګان جبالیه د کډوالو په کمپ باندې د اسرائیلي هوايي ځواکونو له وژونکي برید یوه ورځ وروسته وویل چې دغو بریدونو وحشت ویرولی دی.
د ملګرو ملتونو د عمومي منشي ویاند سټیفن دوجاریک وویل، انتونیو ګوترش په غزه کې د تاوتریخوالي د زیاتیدو او د سهشنبې او چهار شنبې په ورځو د جبالیا د کډوالو په کمپ باندې د اسراییلو بریدونو وحشت ویرولی.
د اسرائیلو ضد ډلې حماس د ادعا کړې چې د جبالیا د
کډوالو په کمپ باندې د اسرائیلو د هوايي بریدونو په پایله کې لږ تر لږه ۱۹۵ ملکي وګړي وژل شوي دي.
دې ډلې همداراز ویلي چې د سه شنبې او چهارشنبې په ورځو کې پر دغه کمپ د اسراییلو د هوايي بریدونو په پایله کې شاوخوا ۷۸۰ کسان ټپیان شوي دي.
د اسرائیلو دا برید او ورته بریدونه چې روغتونونه، د استوګنې سیمې، ملکي وګړي او ماشومان په نښه کوي په پراخه کچه غندل شوي دي، خو د امریکا او برتانیې په ګډون د نړۍ ډېرو هېوادونو لا هم په دې جګړه کې د اسرائیلو د ملاتړ په اړه خپل دریځ نه دی بدل کړی.
د کډوالو پر کمپ د اسرائیلو د هوايي برید په غبرګون کې، د ملګرو ملتونو د بشري حقونو دفتر د چهارشنبې په ورځ د نومبر په لومړۍ نېټه وویل چې اسرائیل په غزه کې د فلسطیني کډوالو تر ټولو لوی کمپ جبالیه کمپ باندې په هوايي برید سره غیر متناسب عمل ترسره کړ او یو جنګي جرم بلل کېږي.