کرکټ وروسته ووشو؛ ووشو لوبغاړی د افغان کډوالو په پار د برونزو مډال پلوري
عزم(پنجشنبه، لړم ۱۱مه، ۱۴۰۲): د ووشو یو افغان لوبغاړي ویلي چې په اسیایي لوبو کې ګټلی د برونزو مډال پلوري او پیسې به یې له پاکستانه راستنېدونکو افغانانو ته ډالۍ کړي.
د هیواد د ووشو د ملي فدراسیون یوه لوبغاړي محمد خالد هوتک ویلي چې د برونزو هغه مډال پلوري چې په چین کې یې د اسیایي لوبو پر مهال ګټلی و.
دا په داسې حال کې ده چې تېره ورځ د کرکټ ملي لوبډلې تېز توپ اچوونکي فرید ملک هم د سپینو زرو هغه مډال پلور ته وړاندې کړ چې په چین کې یې د اسیایي لوبو پر مهال له پاکستانه ګټلی و.
له دې وړاندې د افغان لوبډلې بل پيلیز توپوهونکي ابراهیم ځدراڼ له پاکستانه د ګټلې د غوره لوبغاړي جایزه هغو افغانانو ته ځانګړې کړې وه چې پاکستان یې په زور افغانستان ته ستنوي.