په مزارشریف کې د هند په کونسلګرۍ تر سهار وختي هم بریدونه روان دي
عزم : دوشنبه 14 جدی 1394 ) تېر ماخوستن شاوخوا اته نیمو بجو کې د بلخ ولایت په مرکز مزار شریف کې د هند په کونسلګرۍ ډله ییزبریدونه پیل شول .
ویل کیږي وسله وال یو تش کور ته ننوتي او د هندوستان په کونسلګرۍ ډزې کوي .
د بلخ د امنیه قومندانۍ د امنیت امر سمونوال عبدالرزاق قادري رسنیو ته نن سهار وختي ویلي ، وسله وال په کونسلګرۍ ډزې کوي خو معلومیږي چې مهمات ورسره ختم شوي دي ځکه ډزي ډېرې کمې کوي.
د بلخ د والي ویاند فرهاد د برید ګرو شمېر ۶ تنه ښودلی ده .
ډاکټر خواجه نور محمد فیض چې په مزار شریف کې دملکي روغتون سرطبیب ده وایي ، روغتون ته ۷ ټپيان راوړل شوي ، چې ۵ پولیس او ۲ ملکي وګړي دي چې د ۲ پولیسو روغتیایي حلات د اندېښنې وړ دی
د هند د بهرنیو چارو وزارت ویلي په کونسلګرۍ کې کارکونکو ته مرګ ژوبله نده اوښتې او په کونسګلرۍ بریدونه یې غندلي دي
تر دې مهاله د برید مسؤلیت کومې وسله والې ډلي په غاړه ندی اخستی .
اصف افعان