طالبانو په لوګر کي داربکیانو مشهور قومندان وژلی
طالبانو دلوګر ولایت په محمداغې ولسوالۍ کي داربکیانو مشهور قومندان عبدالستار له پنځو ملګرو سره یوځای وژلی دی.
دمحمداغی ولسوال محمدنعیم وايي، چي تیره شپه شاوخوا ۸ بجې قومندان ستار له خپلو ساتونکو سره یوځای دسفید سنګ په سیمه کي په ګزمه بوخت وو، چي طالبانو لومړی چاودنه او وروسته برید پرې وکړ، چي په پایله کي یې قومندان ستار ووژل شو.
نوموړي ویلي، چي ددواړو لوریو ترمنځ ۲۰ دقيقې جګړه شوې، خو طالبانو ته پکي مرګ ژوبله نه ده اوښتې.
دطالبانو ویاند ذبیح الله مجاهد ویلي، چي قومندان ستار يې له پنځو ساتونکو سره یوځای وژلی دی.
ویل کیږي، چي قومندان ستار په سیمه کي په خلکو ظلمونه ترسره کول او په ظلم کي مشهور و، چي له ډیري مودې راهیسي دطالبانو هدف وو، چي تیره ورځ يې په وژلو بریالي شول.
عادل خپلواک