پکتیکا، خوشامند کي طالبانو پوسته نیولې، ۴ پولیس يې وژلي
دپکتیکا ولایت په خوشامند ولسوالۍ کي وسله والو طالبانو دپولیسو په پوستو بریدونه ترسره کړي، چي په ترڅ کي یې پولیسو ته مرګ ژوبله اړولې ده.
دپکتیکا دوالي ویاند نبی الله پيرخیل منلې، چي په خوشامند کي دطالبانو په برید کي څلور پولیس وژل شوي او یو تن ټپي شوی دی.
دسیمي اوسیدونکو ویلي، چي تیره شپه وسله والو طالبانو دجمجمعې په پوسته برید کړی اوتر جګړې وروسته یې پوسته نیولې ده.
ویل شوي، چي طالبانو دپوستې تر نیولو وروسته پوستې ته اور ور اچولی دی او په بشپړه توګه یې سوځولې ده.
طالبانوپه سیمه کي په نورو پوستو هم بریدونه ترسره کړي دي.
له بله پلوه تیره شپه بهرنیو پوځیانو دپکتیکا ولایت په نکه ولسوالۍ کي عملیات ترسره کړي، چي په ترڅ کي یې درې امریکان وژل شوي دي.
دطالبانو ویاند ذبیح الله مجاهد یلي، چي دتیري شپې په عملیاتو کي درې طالبان او یو ولسي وګړی وژل شوی دی.
عادل خپلواک