د څلورمې اوونۍ پر لومړۍ ورځ یو ځل بیا په سوډان کې جګړو زور اخیستی دی
عزم(یکشنبه، غوایي ۱۷مه، ۱۴۰۲): راپورونه وایي چې د سوډان کورنۍ جګړې څلورمې اوونۍ ته غځېدلي چې پر لومړۍ ورځ یې په پلازمېنه خرطوم کې یو ځل بیا درنې چاودنې شوي دي.
د بهرنیو رسنیو په مټ چې د څلورمې اوونۍ پر لومړۍ ورځ شنبه هوایي بریدونه شوي چې په خرطوم کې یې بیا ځایي خلک اندېښمن کړي دي.
عیني شاهدان وايي، د شنبې پر سهار جنګي الوتکو د خرطوم پر بېلابېلو برخو بمباري وکړه چې له دې سره په خرطوم کې د فعالې مخابراتي شبکې(ایم ټي این) خدمات هم ورسره ټکني شوي دي.
د اپرېل میاشتې پر ۱۵مه د سوډان د پوځ د مشر عبدالفتاح البرهان او د چټک ملاتړ د ځواکونو په نوم د ملېشهوو د قوماندان محمد حمدان دقلو ترمنځ د جګړو دپیل راهیسې تراوسه سلګونه کسان وژل شوي دي.
که څه هم د دواړو لوریو ترمنځ پر څو لنډمهالو اوربندونو موافقه شوې ده، خو له هغوی څه سم دلاسه سرغړونې شوې دي.