د۲۰ اوريزجام د ټاکنيزو سياليو له پاره افغانستان له هالينډ سره لوبه کوي
کابل( عزم: پنچشنبه ،١٨ چنګاښ ٩٤) ټاكل شوې ده، چې د افغانستان د كركټ ملي لوبډله د ۲۰۱۶ كال د كركټ ۲۰ اوريز جام لپاره ټاكنيزو سياليو كې نن په سكاټلنډ كې خپله لومړۍ لوبه له هالنډ سره ترسره كړي.
افغان لوبډلې په يادو سياليو كې له ګډون وړاندې څلور تمريني لوبې كړي، يوه يې بايللې او درې يې ګټلې دي.
د ۲۰۱۶ كال د كركټ ۲۰ اوريز جام لپاره ټاكنيزو سياليو كې ١٤ لوبډلې برخه اخلي او په دوو ګروپونو وېشل شوې دي، خو افغانستان په بي ګروپ کې د متحده عربي اماراتو، هالنډ، سکاټلنډ، کاناډا، کينيا او عمان له لوبډلو سره لوبې لري.
عبداللطيف نظيف