دکرکټ ملي لوبډلې متحده عربي امارتو ته هم ماتې ورکړه

11666118_1014386798592151_4542194308964478234_n

کابل ( عزم: جمعه،۱۹ چنګاښ ٩٤) افغانستان د کرکټ د شل اوریز جام غوراوي په سیالۍ کې نن متحده عربي اماراتو ټیم ته هم په اتو وکټو ماتې ورکړه.
لومړۍ توپ وهنه عربي اماراتو وکړه چې افغانستان ته يې د ۱۶۵ منډو هدف  ټاکلی و. چې د محمد شهزاد په زړه پورې توپ وهنېدغه هدف ډېر ښه ترلاسه کړ
شهزاد محمدي په ۳۷ توپونو ۷۴ منډې وکړې. چې  ۵ شپږیزې او ۷ څلوریزې يې هم ووهلې. چې له امله يې شهزاد محمدي د لوبې د غوره لوبغاړي جایزه هم وګټله.

11695740_1014374635260034_2434830267164109704_n

د افغانستان د کرکټ ملي لوبډلې لوبغاړو تېره ورځ هالينډ ته هم ماتې ورکړه وه او دايې د شل اوريز جام دغوراوي په سياليو کې دوهمه لوبه ده چې ګټي يې.
افغانستان یکشنبې دریمه سیالي د سکاټ لینډ سره کوي او د بري سره به د ۲۰۱۶  زيږديز کال د نړیوال جام سياليو ته لاره ومومي.

د نړیوال شل اوریز جام غوراوي پړاو سیالیو کې څوارلس لوبډلې برخه لري. افغانستان ددغو سیالیو په ب ګروپ کې ځای لري چې ورسره د سکاټلنډ، هالنډ، متحده عربي اماراتو، کنیا، عمان او کاناډا لوبډلې برخه لري.


عبداللطيف نظيف

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button