کراچۍ ته څېرمه د موټرو ټکر لسګونه کسان ووژل
د پاکستان سمندرغاړې کراچۍ ښار ته څېرمه یو بس او د تېلو یوه ټانکر سره ټکر شول چې له امله یې له ۵۰ ډېر کسان ووژل شول.
پولیس وايي، پېښه کې ګڼ نور سپاره کسان سخت ژوبل شوي دي.
رپوټونه وايي، د تېلو ټانکر په ډېرې تېزۍ کې روان و، چې له یوه مسافر وړونکي موټر سره ټکر شو.
د ټکر په پایله کې دواړو موټرو اور اخیستی.
ځینې سپرلۍ د موټر له چت نه په وتلو توانېدلي، خو ځینې نور بیا په اور کې سوځېدلي دي.
پولیسو ویلي، په بس کې ۵۵ کسان سپاره وو، چې له کراچۍ نه شیکرپور ته روان و.
له برید وروسته ټانکر چلوونکی تښتېدلی دی.
ځینې مړي د ډېرو سوځېدو له کبله له پېژندګلوۍ وتلي دي.