په امریکا کې یوه وسله وال سړي په ډزو تر لسو ډېرو کسانو ته مرګ ژوبله اړولې ده

عزم(سه شنبه، وري ۲۲مه، ۱۴۰۲): امریکايي رسنۍ وایي چې د امریکا د کنټاکي ایالت په لویسوېلي ښار کې دیوه وسله وال سړي په ډزو لږترلږه څلور کسان وژلي او ۸ نور یې ټپيان کړي دي.
پولیسو ویلي چې پېښه د ښار له ګڼې ګوڼې په یوه ډکه سوداګریزه سیمه کې رامنځته شوې ده.
څېړنې ښیي چې وسله وال کس د یاد بانک یو پخوانی کارکوونکی دی. په انځورونو کې لیدل کیږي چې ګڼ شمېر پولیسانو د پېښې سیمې ته ځانونه رسولي دي.
د پېښې په قربانیانو کې دوه پولیس افسران او نور ملکي وګړي شامل دي. چارواکو نه ده ښوولي چې بریدګر په خپله ځان وژلی او که د پولیسو په مقابلو ډزو کې وژل شوی دی.
چارواکو ویلي چې بریدګر له پولیسو سره د ډزو تبادله کې وژل شوی، خو مالومه نه ده چې د امنیتي کسانو په ډزو لګېدلی که پخپله یې ځان وژلی دی.
د پېښې انګېزه لا هم نه ده معلومه او نه شي ویل کېدای شي چې د یاد بریدګر موخه څه وه؟ د کېنټاکي والي رسنیو ته ویلي، چې د پېښې په قربانیانو کې د ده یو نږدې ملګری هم دی.
د امریکا متحدو ایالات د هغو هیوادنو په کتار کې راځي چې زیات شمېر ترهګریزې پېښې پکې رامنځته کیږي.
د رسمي شمېرو له مخې یوازې په روان ۲۰۲۳ کال کې چې نن یې ۱۰۰مه ورځ ده په دغه هېواد کې له ۱۴۰ ډېر وسله وال بریدونه شوي دي.

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button