شهیدي: ای. سي. سي. دې د زموږ د پرمختګ په موخه نورې لوبې راته چمتو کړي
عزم(شنبه، د لړم ۲۰مه، ۱ ۴۰۲): د افغانستان کرکت ملي لوبډلې لوبډلمشر حشمت الله شهیدي د افغانستان د کرکټ بورډ له ادارې او د کرکټ له نړیوالې شورا غوښتنه کړې چې د افغان لوبغاړو د ودې او په افغانستان کې د کرکټ د پرمختګ په خاطر دې ګڼې لوبلړۍ ورته چمتو کړي.
ده دا خبرې پرون د هند په احمد آباد کې له جنوبي آفریقا سره له سیالۍ وروسته کړي دي. ښاغلي شهیدي ویلي چې د کرکټ وده په ۵۰اوریزو او ټیسټ لوبو کېږي او دې لوبو ته اړتیا زیاته بریښي. دی زیاتوي: (( پنځوس اوریز کرکت ډېر اړین دی. اوس ډېر لیګونه شته؛ شل اوریز کرکت ډېر دی او زما په اند د پنځوس اوریز کرکت او ټست کرکت ته اړتیا ډېره ده.)) نوموړی زیاتوي: ((مونږ له کرکټ بورډ او کرکټ نړیوالې شورا هیله لرو، چې زمونږ د پرمختګ لپاره مونږ ته نورې لوبې هم راکړي.))
د کرکټ نړیوالې شورا د افغانستان لپاره ۳۳ یو ورځنۍ لوبې چمتو کړي، خو په دې کې لوبو کې له استرالیا، انګلستان، نیوزیلند، سویلي افریقا او پاکستان سره یوه لوبه هم نه لري.