لبنان د اسرائيلو بې پيلوټه الوتکه رانسکوره کړه
طرابلس( عزم: يکشنبه،۲۱ چنګاښ ٩٤) د لبنان د فوځ وياند ويلي چې يوه اسرائیلي بې پېلوټه الوتکه يې د لبنان په شمالي ساحلي ښار طرابلس کې رانسکوره کړې ده.
دا په تېرو دريو اوونيو کې د اسرائيلو دوهمه الوتکه ده چې په دغه هېواد کې رانسکوريږي.
د راپورونو له مخې تېره ورځ کله چې اسرائيلي بې پيلوټه الوتکه د لبنان له سرحده دغه هيواد ته ورواوښته نو د لبنان د فوځ له خوا وويشتل شوه چې له ويشتلو وروسته الوتکه په اوبو کې وغورځېدو چې د لبنان فوځ له راوېستلو وروسته مالومه شوه چې ويشتل شوې الوتکه د اسرائيلو ده.
عبداللطيف نظيف