کریس ګيل د شپږیزو نړیوال ریکارډ په خپل نوم کړ
عزم (د وری ۲۷ مه ) کریس ګيل چې د ویسټ انډیز د لوبډلې وتلی لوبغاړی دی اوس مهال هندوستان غوره لیګ سیالیو کې لوبیږي د شپږیزو نړیوال ریکارډ يي کېښود.
کریس ګيل د هندوستان غوره لیګ رويل چلنجربنګلور لوبډله کې لوبیږي چې سنرايزر حيدراباد لوبډلې سره اتمه لوبه کوله ۲۰۰ شپږیزي يي په همدغه سیالۍ کې پوره کړې او یو نړيوال ریکارډ يي د خپل ځان په نوم کړ .
هندوستان دغه د (ای پي ايل ) ۲۰ اوریزې کريکټ لوبې له اتو کالو راهيسې کوي او د نړې مختلف لوبغاړي پکې لوبېږي او هرکال کې يي ترسره کوي چې ډیر مينوال يي پیدا کړي دي .
ګيل د ای پي ایل سیالیو کې ۷۰ لوبې کړي دي اګرکه په سږنیو لوبو کې ښه ونه لوبېده خو عجیبه يي دادي چې شپږيزي يي ډېرې وهلي دي ، همدارنګه تر ګيل څخه وروسته د هندوستان د غوره لیگ لوبغاړي سوریش رېنا ډېرې شپږيزې وهلي دي .
رینا د ای پي ایل کریکټ لوبو کې د چناي سوپر کینګ لپاره لوبه کوي چې تراوسه يي ۱۳۴ شپږیزي وهلي دي خو له ګيل څخه مخکې نه ده .
د یادونې وړ ده چې ګيل تور پوستی ویسټ انډیز تبعه دی هسکه ونه لري دی په تیزه توپ وهنه کې خاص انداز لري او ځان ته يي ډېر مینوال پيدا کړي دي . سميع شينواری