کندز: په چهاردرې كې څلور امنيتي سرتيري وژل شوي
(عزم : چارشنبه ، غبرګولي ۲۷مه، ۱۳۹۴ل)
دکندز په چهاردرې ولسوالۍ کې وسله والو طالبانو د امنيتي ځواکونو پرپوستو بریدونه کړي، چې په ترڅ کې یې ۱۴ امنیتي سرتېرو ته مرګ ژوبله اوښتې ده.
د کندز ولایت د چهاردرې ولسوالۍ د امنیې قومندانۍ د اوپراسیون امر فقیرمحمد زاخیلوال رسنيو ته ويلي چې له پرون راهیسې د چهاردرې ولسوالۍ په سرک بالا او قریه قصاب سیمه کې د افغان امنیتي ځواکونو او وسله والو طالبانو تر منځ سخته جګړه روانه ده.
زاخېلوال زیاته کړه، تراوسه په دې جګړه کې د امنیتي ځواکونه ۴ سرتېري وژل شوي او ۱۰ نور ټپیان شوي دي.
د نوموړي په وينا، په چهاردرې ولسوالۍ کې ۸ کلي او دوه ټانګونه هم وسله والو طالبانو نيولي دي.
تېره ورځ هم په ياده ولسوالۍ کې د طالبانو او امنيتي ځواکونو ترمنځ جګړه شوې وه چې دواړ لوريو ته مرګ ژوبله اوښتې وه
وسله والو طالبانو د یادو جګړو په اړه څه ندي ویلي خکو په دغه ولايت کې د یو تن اربکي قومندان (باقي) په شمول د ۳ نورو اربکيانو د وژل کېدو او ۲ نورو د ټپي کيدو خبر ورکړی دی.
عبداللطيف نظيف