جوزجان کې ۴ ټانګونه ویجاړ ګڼو عسکرو ته مرګ ژوبله اوښتې
عزم :(پنجشنبه، سلواغې ۲۹مه، ۱۳۹۴ ل): د جوزجان ولایت په قوشتیپې ولسوالۍ کې بیګاه ماښام وسله والو طالبانو د عسکرو په قطار د درنو او سپکو وسلو بریدونه کړي.
خبر وایي، بریدونو کې ۴ ټانګو ویجاړ شوي او ګڼو عسکرو ته مرګ ژوبله اوښتې.
طالبانو په لیږلي ایمیل کې ویلي، د جوزجان ولایت قوشتیپې ولسوالۍ کې د دښمن په هغه قطار یې بریدونه کړي چې د نورو عسکرو مرستې ته راغلی وه.
طالبان وایي، په بریدونو کې ددښمن ۹ عسکر وژل شوي ، ۴ټانګونه ویجاړ شوي او ۱۵ تنه ټپيان شوي دي.
په دې اړه تر دا مهاله سیمه ییزو چارواکو څه ندي ویلي
اصف افغان