د کندز د قلعه زال ولسوالۍ ، امنیه قومندانۍ او ګڼې پوستې طالبانو نیولي
عزم : (دوشنبه، وري ۳۰مه، ۱۳۹۵ل): په کندز کې وسله والو طالبانو د قلعه زال ولسوالۍ ، امنیه قومندانۍ ، او ګڼې پوستې نیولي.
د سید جمال په نوم د سیمې یوه وسېدونکي عزم ته ویلي، له سختې جکړې وروسته د قلعه زال ولسوالۍ ، امنیه قومندانۍ اوګڼې پوستې د وسله والو طالبانو لاسته لوېدلي.
سید جمال وایي ، سهار ۸ بجې وسله والو طالبانو د قلعه زال ولسوالۍ ونیوله او ګڼو پولیسو اربکیان ته مرګ ژوبله اوښتې.
طالبانو په یوه خپره شوې خبر پاڼه کې ویلي، د کندز د قلعه زال ولسوالۍ ، امنیه قومندانۍ او شاوخوا ټولې پوستې یې له دښمن څخه نیولي ، او په ګڼ شمېر کې اربکیان او پولیس وژل شوي.
طالبان وایي ، ګڼ شمېر وسلې او مهمات لاسته ورغلي.
سیمه ییزو چارواکو په دې اړه رسنیو ته څه ندي ویلي.
اصف افغان