په صنعاء کې د جومات ترڅنګ په چاودنو کې ۳۱ تنه ووژل شول
صنعاء(عزم : پنجشنبه ، غبرګولي ۲۸مه، ۱۳۹۴ل)
د يمن په پلازمينه صنعاء کې پنځو پرله پسې چاودنو ۳۱ تنه وژلي او ګڼ شمېر نور يې ټپيان کړي دي .د خبري اژانسونو د راپورونو له مخې نامعلومو کسانو د يوه جومات ترڅنګ چاودېدونکي توکي ځای په ځای کړي و چې د چاودېدو له امله يې مرګ ژوبله رامنځته کړه.
د رسنيو له قوله ويل کيږي چې چاودنه پرون مازديګر د لمانځه پرمهال رامنځته شوه چې ټپيان د درملنې له پاره ځايي روغتون ته لېږدول شوي.
په يوه بله پېښه کې وسله والو د حوثي ياغيانو مشر صالح الصمد د کور ترڅنګ يوماين ته انفجار ورکړی چې له امله يې څو تنه ټپيان شوي دي.
عبداللطيف نظيف