د صنعت او سوداګرۍ معین له خان سټيل فابریکي لیدنه کړې
عزم(دوشنبه، د وږي ۲۷مه، ۱۴۰۲): د صنعت او سوداګرۍ وزارت مسوولانو ویلي چې د یاد وزارت معین مولوي قدرت الله جمال، د خان سټیل د فابریکې له بېلابېلو برخو پرون یکشنبه لیدنه کړې ده.
باختر آژانس د صنعت او سوداګرۍ وزارت د رسنیزو مسولانو له خولې لیکلي چې په یاده لیدنه کې د خان سټیل د اوسپنې د ویلي کولو د فابریکې مسوولینو ښاغلي معین ته د خپلو تخنیکي او مسلکي فعالیتونو په اړه بشپړ مالومات ورکړي دي.
د صنعت او سوداګرۍ وزارت معین هم د خان سټیل فعالیتونه ستایلي او دغه فابریکه یې د هېواد د صنعتي سکتور یوه پیاوړې بېلګه بللې ده.
مولوي جمال ویلي چې خان سټیل پر نړیوالو سټنډرډونو برابر تولیدات کوي چې په دې برخه کې یې نه یوازې د هیواد دننه د اوسپنیزو توکو اړتیا پوره کړي، بلکې له هیواده بهر یې هم خپل تولیدات استولي دي.
نوموړي د اوسپنې د تولید او پروسس په برخه کې د دې کارخونې چارې ستایلي او هیله یې څرګنده کړې چې هیوادوال له خپلو تخنیکي او فلزي توکو ګټه واخلي.