د کرېکټ د ملي لوبډلې کپتان محمد نبي عیسی خيل نن رسما استعفی اعلان کړه
عزم/ نن دافغانستان کرېکټ ملي لوبډلې کپتان محمد نبي عیسی خېل رسما د یوې خبرې غونډې په ترڅ کې خپلې دندې نه استعفی اعلان کړه .
د کورنيو خبري سرچينو د خبر په استناد چې نن د افغانستان د کرېکټ بورډ تالار کې په همدې موخه غونډه جوړه شوی وه ، د غونډې په پیل کې ښاغلي محمد نبي عیسی خېل خپله بیانیه واوروله ، چې تلار کې دافغانستان د کرېکټ بورډ عمومي رئیس نسیم الله دانش ، حاجي عزیزالله دانش او ګڼ شمېر خبریالان موجود وه .
ښاغلي عیسی خېل د خپلې استعفی له اعلانولو سره زیاته کړه چې دی به دافغانستان د کرېکټ د پیاوړتیا ، پرمختیا ، او یو والي لپاره د نوی کپتان سره پوره همکاري او مرسته کوي او د یوه افغان لوبغاړي په توګه به لوبه ترسره کوي .
همدا رنګه عیسی خیل په خپله وینا کې د غونډې کډون والاو ته وويل چې مونږ په تېرو دوه کلونو کې ډېر بریاوي او لاسته راوړنې لرلې د اسیا او نړۍ قوي او پیاوړو ټيمونو سره مو مقابلې وکړي او یو لړ قوي لوبډلو ته مو ماتې ورکړې ، چې نړيوال جام ته مو لاره ومندله او سکاټلنډ او داسې نورو زورو ټیمو نو سره مو ښه لوبه وکړه .
عیسی خېل د خپلې استعفی په اړه زیات جزئیات ورنکړه خو یوازې لوبډلمشری يي پر خپل ځان باندې فشار وباله او ویویل چې دغه دروند مسؤلیت د ده د لوبې په مهارتونو منفي اغېزه کړېده .
د افغانستان د کرېکټ بورډ مشر غونډې ته په خپلو خبرو کې محمد نبي عیسی خېل وستايه او مننه کور ودانی يي ورته ورکړ ، زیاته يي کړه چې د عیسی خېل استعفی دده خپله شخصي پرېکړه ده او مونږ يي په دغه پرېکړه خواشيني یو.
سميع شينواری