Jannah Theme License is not validated, Go to the theme options page to validate the license, You need a single license for each domain name.

دعوتګرانو ته!

حامد افغان

د رسول الله ﷺ خادم انس بن مالک رضي الله عنه د خپل کور یوې مېرمني ته وویل: فلانۍ پېژنې؟ هغې ورته وویل: هو، انس ورته وویل: یو وخت رسول الله ﷺ په هغې تېریدی، هغه د یوه قبر خواته ناسته وه، ژړل یې، رسول الله ﷺ ورته وفرمایل: له الله ووېریږه او صبر وکړه! هغې ورته وویل زما نه لري شه! خپل کار کوه، زما له غمه ته څه خبر یې! رسول الله ﷺ له هغې تېر شو او ولاړی!

هغې ښځي ته یو سړی ورغی، ورته ویې ویل: رسول الله ﷺ څه درته وویل؟ هغې ورته وویل: ما هغه ونه پېژاند؟! سړي ورته وویل: هغه رسول الله ﷺ و! انس وایي په دې سره هغه ښځه د رسول الله د کور دروازې ته ورغله، د هغه پر دروازه یې پیره دار ونه موند! هغې وویل: یا رسول الله ﷺ په والله که ما پېژندلی یې! هغه ورته وفرمایل: د مصیبت رسیدلو پیل وخت کې صبر باید وکړل شي. صحيح البخاري الرقم: 7154.

امام احمد بن حنبل رحمه الله نه پوښتنه وشوه چې یو چا ته په ښو امر وکړو او هغه یې ونه مني؛ څه ورسره وکړو؟ هغه ورته وویل: خپل کار کوه، ځکه تا خپل مسؤلیت ترسره کړ، اوس چې نور څه کوې دا به د ځان لپاره غچ اخلې! هر عالم او دعوتګر باید د دعوت پر مهال دا نبوي نرمه تګلاره د ځان لپاره د لارې مشال وګرځوي، په ځانګړې توګه د امر بالمعروف وروڼه باید له دې روایته ډېر څه زده کړي.

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button