د کرکټ ملي لوبډله سبا له پاپونيو ګيني سره لوبه كوي
کابل (عزم: چهارشنبه ۳۱ چنګاښ ۹۴) ټاکل شوې ده، چې د افغانستان د کرکټ ملي لوبډله سبا د ۲۰۱۶ کال د ۲۰ اوريز نړيوال جام د غوراوي په سياليو کې له پاپو نيو ګيني سره د لوبې ډګر ته ووځي.
دا لوبه به سبا د زمري په لومړۍ نېټه د پنجشنبې په ورځ د کابل په وخت له غرمې وروسته يوه نيمه بجه پيلېږي.
د افغانستان د کرکټ ملي لوبډلې پرون د هانګ کانګ له لوبډلې ماتې وخوړه.
خو له متحده عربي اماراتو او هالنډ سره په لوبو کې افغانستان بری ترلاسه کړی و.
له هانګ کانګ څخه د ماتې خوړلو له امله افغانستان د نيمه پايلوبې له لوبولو پاتې شو، خو د ۲۰۱۶ کال نړيوال جام ته د ورتګ يو بل چانس هم لري.
اوس بايد افغانستان د سبا ورځې لوبه وګټي، ترڅو نړيوال جام ته لاره ومومي.
عبداللطیف نظيف