د امريکا ددفاع وزير په يو ناڅاپي سفر عراق ته رسېدلی
(عزم:پنجشنبه،۰۱ زمری ۹۴) د امريکا ددفاع وزير اشټن کارټر نن دپنجشنبې په ورځ په يوه نا اعلان شوي سفر له سعودي عربستان وروسته عراق ته رسېدلی.
نوموړي تېره ورځ په جده کې له پاچا سلمان سره د ايران د اتومي لانجې په اړه خبرې وکړې.
نوموړی به نن په بغداد کې ميشتو امریکايي ځواکونو او عراقي چارواکو سره ګوري.
عراق ته د امريکا د دفاع وزير اشټن کارټر د امريکا د دفاع وزيرپه توګه لومړی سفر دی،نوموړی د روان کال دفروري په مياشت کې د امريکا د دفاع وزير په توګه وټاکل شو.
د امریکا دفاع وزير د خپل منصب د ترلاسه کولو په لومړيو ورځو کې د عراق په اړه کومه نوې پاليسي او طرحه نه وه اعلان کړې.
په عراق کې شاوخوا ۳۳۶۰ امريکايي سرتيري اوس هم شته چې د عراقي فوځ د روزنې او په جنګي پلانونو کې له عراقي سرتېرو سره مرسته کوي،او ددې ترڅنګ امريکايي هوايي ځواکونه په عراق کې د داعش وسله والې ډلې په خلاف هوايي بريدونه هم کوي.
عبداللطيف نظيف