د پوهنې وزیر: د اسلامي امارت په راتګ سره د ښوونځي او مدرسې واټن له منځه وړل شوی

عزم(شنبه، د تلې لومړۍ ،۱۴۰۲): د پوهنې وزارت سرپرست سرپل ولایت ته د خپل سفر په ترڅ کې ددې ولایت له بېلابېلو دولتي مسوولانو، د هغه ولایت د پوهنې ریاست له کارکوونکو او ددې ولایت له مخورو سره ناستې کړي.
مولوي حبیب الله اغا د سرپل د پوهنې ریاست له کارکوونکو سره د ناستو پر مهال ویلي چې د اسلامي امارت د بیاراتګ راهیسې د ښوونځيو او مدرسو تر منځ شته واټن له منځه تللی.
سرپل ولایت ته د هېواد د پوهنې وزارت سرپرست مولوي حبیب الله آغا د سفر موخه په دغه ولایت کې د پوهنې په برخه کې د شته ستونزو له منځه وړل په ګوته شوي.
له ښاغلي وزیر سره په ناسته کې د یاد ولایت د پوهنې رئیس مولوي محمد رحماني د جوزجان د پوهنې ریاست لاسته راوړنې، شته ننګونې او له پرتو ستونزو پرده پورته کړې.
رحماني همداشان ویلي چې د ۶۸۹ علماوو د ګومارلو پروسه یې بشپړه کړې او د نورو بستونو ډکولو ته یې هم اړتیا لیده.
وزیر ژمنه کړې چې ددې ولایت په پوهنیز ډګر کې شته ستونزې به هواروي.