شمالي کوریا تر اوبو لاندې بې پیلوټه ډرون الوتکه ازمویلې ده

عزم(جمعه، وري څلورمه، ۱۴۰۲): سرچینې خبر ورکوي چې شمالي کوریا داسې بې پیلوټه ډرون الوتکه جوړه کړې او ازمویلي چي د اوبو په تل کې مزل کولی شي.
د راپورونو پر بنا، یاده الوتکه تر اوبو لاندې حرکت کوي او راډیو اکټیفې څپې هم خپرولی شي. د شمالي کوریا دولتي خبري اژانس ویلي چې د سویلي ولایت هامیونګ په اوبو کې یې د (پټو وسلو) یوه بله ازموینه هم تر سره کړې ده.
یاده رسنۍ زیاتوي: ازمویل شوې بې پیلوټې الوتکې له ۸۰ تر ۱۵۰ مترو پورې د اوبو په تل کې اوږد سفر وکړ. بیا یې ۹۵ ساعته شاوخوا د اوبو په تل کې اوږد واټن طی کړ ، چې په پایله کې د شمالي کوریا ختیځ ساحل کې وچاوده.
شنونکو او کارپوهانو ویلي چې د داسې وسلې پر جوړلو او د شمالي کوریا پر وړتیا شکمن دي او له نورو خلکو یې هم غوښتي چې د شمالي کوریا یاده ادعا دومره په اسانه و نه مني.
تر دې وړاندې هم شمالي کوریا د هایپرسونیک په نامه یو توغندی په بریالیتوب سره ازمویلی و. دغه توغندي ۷۰۰ کیلومتره لیرې یو هدف په دقیقه توګه و یشتلی شوی.
د فرانسې خبري اژانس ( AFP ) په ویناچې د شمالي کوریا مشر کیم جونګ اون د یاد ازمايښت څارنه له نږدې وکړه او وویل، چې دا ازمايښت دامریکا متحده ایالاتو او سویلي کوریا ته یو خبرداری دی.
د یاد خبري اژانس پر بنسټ دا وسله په ډېره نامعموله کچه د راډیو اکټیف څپې رامنځته کوي چې اصلا د دښمن په کښتیو او بندرونو د برید لپاره جوړه شوې.
شمالي کوریا وايي، د اوبو لاندې اټومي برید کوونکې دا بې پیلوټه الوتکه په هر ساحل یا بندر کې ځای په ځای کیدای شي او د عملیاتو لپاره د کښتې په واسطه هم وړل کېدای شي.
د یادونې وړ ده چې امریکا او لوېديځ پر شمالي امریکا اقتصادي او سیاسي بندیزونه لګلولي دي. دوی له شمالي کوریا غواړي چې د خپلو اټومي وسلو پروګرامونه لږ او یا هم په ټپه ودروي؛ خو شمالي کوریا یادو بندیزونو او خبرداریو ته پاملرنه نه کوي.

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button