غزل / حماد

عبدالاحد حماد
لرې لرې رانه لرې اور به واخلې
فدایي یمه کاپیرې اور به واخلې

ښاپیرۍ ستا په ورغوي کې سندرې
ښاپیرۍ د نجونو میرې اور به واخلې

مه راګوره شهادت یم سینګار کړی
ددې چم دښایست حورې اور به واخلې

تر پلو لاندې چې غلي غلي ګورې
د بریښنا سکنۍ لورې اور به واخلې

که د ولید خپل هنر زما پر بریښنا مخ
د زرګر د زړګي خیرې اور به واخلې

وي د زړه درزا د عشق د اور پیلوزی
په خپل خیال باندې مغرورې اور به واخلې

په دې ټکنده غرمه په سره سالو کې
آخر اې د ظالم لورې اور به واخلې

لکه شناخته په زیارت باندې ځنګیږې
د حماد په څیر زهیرې اور به واخلې

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button