امریکا کې د یوه وسلهوال کس د ډزو په پایله کې درې تنه وژل شوي
عزم: (دوشنبه،د تلې ۲مه،۱۴۰۲): د امریکا د جورجیا په ایالت کې چارواکو ویلي چې د دغه ایالت په اتلانتا ښار کې د یوه وسلهوال کس د ډزو په پایله کې درې تنه وژل شوي دي.
د نړیوالو رسنیو د راپورونو له مخې، دا پېښه نن (شنبه د سپټمبر ۲۳مه) د یوه پلورنځي سره نژدې رامنځته شوې ده.
د دغه ایالت د چارواکو په وینا، بریدګر پر درېیو کسانو ډزې کړې او بریدګر د سختو ټپونو له امله ساه ورکړې ده.
تر اوسه د دغه برید د لامل او بریدګر په اړه نور جزئیات نه دي خپاره شوي.
د دغه برید په غبرګون کې د امریکا ولسمشر جوبایډن په سپینه ماڼۍ کې په یوه وینا کې د وسلو د تاوتریخوالي زیاتوالی غندلی او زیاته یې کړه چې که د کانګرس غړي د تاوتریخوالي ضد قانون له تصویبولو ډډه وکړي، نو نوي استازي د دیموکراتان او یا جمهوري غوښتونکي څخه اړتیا ده چې وټاکو.”
په همدې حال کې په امريکا کې د وسلو د پېر او پلور له امله وسلهوال بريدونه زيات شوي او هر کال په سلګونو کسانو ته مرګژوبله اړوي.
د راپورونو له مخې په تېر کال کې د امریکا په بېلابېلو ایالتونو کې له ۵۰۰ ډېر ډلهییزو ډزو کې سلګونه کسان وژل شوي او ټپیان دي.