سعودي عربستان يمن کښې د حوثي شعیه ملیشو پر ضد بریدونه پیل کړل
عزم (پنج شنبه وری ۱۳۹۴/۶) صنعاء سعودي عربستان له خپلو متحدينو سره يوځاي د یمن په حوثي یاغیانو سخته بمباري پیل کړې .
د نړيوالو خبري سرچينو په حواله د سعودي جنګي الوتکو د يمن پلازمېنې صنعاء په شمالي سيمه کې د الديلامي هوائي ډګر او نورې شاوخوا د حوثیانو مربوطه مهمې سيمې سختې بمبار کړي دي او درنه مرګ ژوبله او مالي زیانونه يي ور اړولي دي .
له سعودي عربستان سره په دغو عملیاتو کښې قطر،بحرین،کویت، او امارات هم متحد دي چې استخباراتي او لوژیستيکي چارې يي امریکا پر مخ وړي.
په امریکا کښې د سعودي عربستان سفير عادل الجبر دغه د سعودي له لوري عملیات تائيد کړي او زیاته کړې يي ده چي د حوثي کودتاچیانو پر ضد پوځي عملیات د ګاونډیو هیوادونو او امریکا حمایت حاصل کړی او د يمن پلازمينې صنعاء هوائي ډګر کښې يي څلور الوتکې ویجاړې کړي دي .
ښاغلي الجبر زیاته کړې چي دغه عمليات يي د يمن قانوني حکومت د بیرته لاسته راوړلو لپاره پیل کړي او حوثي ملیشي به له صنعاء څخه په وتلو مجبوروي .
سميع شينواری