ازادي – مدثر همراز
مدثر همراز
په ډير زور او په قسمت د زړه په وينو
کړې حاصل به حريت د زړه په وينو
ازادي که د اسلام چوکاټ کي غواړي
وړي به هر رنګ ملامت د زړه په وينو
لاس تړلي يم خو شکر دي ازاد يم
چا ليکلي دي وصيت د زړه په وينو
په دنيا کي به دي هر څوک مجنون بولي
کړه تر لاسه اخرت د زړه په وينو
مرتبه د شهادت بي انتها ده
د غازي نصيب جنت د زړه په وينو
بي وفا مي ربه ته مکړي تر مرګه
همراز پالم محبت دزړه په وينو