څېړونکي: کوچنيانو ته کېسې کول د هغوی ذهن تيزوي

 (۷ غويي ۹۴ عزم ) د روغتيايي چارو څېړونکو د يوې څېړنې په نتيجه کې ويلي چې کوچنيانو ته کيسې کول دهغوی ذهن تيزوي او مطالعې ته يې اړکوي چې له امله يې د مطالعې په مهال د ستونزمنو کلېمو په معنا او مقصد ځان پوهوي.

په دغه څېړنه کې چې د امريکايي روغتياپالانو له لوري شوې ده  ۱۹هغه ماشومان چې عمرونه يې له ۳ څخه تر ۵ کالونو پورې و دهغوی له کورنيو سره يې اړيکې نيولي له هغوی يې پوښتي چې خپلو کوچنيانو ته يې کيسې کړي که نه؟ له هغې وروسته  هغوی معاينه شوی او د دماغو هغه برخه يې کتل شوې چې له لوستلو او اورېدلو څخه معنا او فهم اخلي. او مالومه شوې هغه کوچنيان چې د مور او پلار له خوا ورته کيسې شوي او خبرې ورسره شوي د نورو هغو په نسبت چې کيسې نه دي ورته شوي د زده کړې او فهم ماده يې ډېره فعاله ده .دڅېړونکو په وينا ماشومان هغه وخت زړور او ذهين کيږي چې کيسې ورته وشي او کيسې يې واورېدل شي.

عبداللطيف نظيف