واشنګټن:پيټرياس سل زره ډالره جريمه شو
(۰۷ غويي ۹۴ عزم) د امريکا د استخباراتي ادارې (سي آی ای) پخوانی مشر ډيوډ پټرياس دځينو پټو مالوماتو د افشاء کولو په جرم په سل زره امريکايي ډالرجرم شو. محکمې د نوموړي په اړه ويلي دي چې د نغدي جريمې ترڅنګ دې دوه کاله تعقيب هم شي.
ډيوډ پټرياس چې دعراق په جګړه کې يې فعاله ونډه لرله د محکمې په وړاندې په خپل جرم اعتراف کړی.تر دې مخکې يوې بلې محکمې په نوموړي ۴۰ زره امريکايي ډالر او دوه کاله تر نظارت لاندې ساتلو محکوم کړی و خو وروستۍ محکمې دغه جرم لوی بللی او جريمه يې له ۴۰ زره امريکايي ډالرو څخه ۱۰۰ زره امريکايي ډالرو ته لوړه کړې ده.
عبداللطيف نظيف