تازه خبر:په میوند کې د ملی اردو یوه چورلکه غورځیدلې
کندهار(عزم: يکشنبه ٧ چنګاښ)
راپورنه وايي چې نن له غرمې مخکې د کندهار ولايت دميوند ولسوالۍ په ګرماوک سيمه کې دافغانستان د ملي اردو يوه نظامي چورلکه د طالبانو له لوري ويشتل شوې ده او د لالک او زرک دشتې په سيمه کې راوغورځېدلې ده، چورلکې له راغورځېدو وروسته اور اخيستی او په کې سپاره ټول عسکر وژل شوي دي.
د پېښې ځای ته د وژل شوي عسکرو د لېږد له پاره نورې چورلکې او مرستندوی عسکر رسيدلي.
وسله والو طالبانو د پېښې مسؤليت منلی او ويلي يې دي چې ياده چورلکه ددوی ملګرو د درنو وسلو په مټ رانسکوره کړې ده.
تر اوسه ددغې پېښې په اړه د افغانستان د دفاع وزارت او يا نورو چارواکو څه نه دي ويلي.
عبداللطيف نظيف