په رومانیا کې غبرګونو چاودنو تر ۶۰ زیاتو کسانو ته مرګ ژوبله واړوله

عزم(دوشنبه، د وږي اوومه، ۱۴۰۲): د سي اېن اېن له لوري په خپاره شوي راپور کې ویل شوي چې د رومانیا په پلازمېنې بخارست کې دوو چاودونو دوه کسان ووژل او ۵۷ نور یې ټپيان کړل.
د راپورنو له مخې په ټپیانو کې ۳۹ تنه د اوروژنې ماموران او ۴ پولیس دي.
په خبر کې راځي چې چاودنه د بخارست په ختیځ کې د تېلو په یوه پمپ کې رامنځته شوې. د پولیسو تازه موندې ښيي چې د ګازو او تېلو دې پمپ د فعالیت جواز نه درلود، نو ځکه یې په اړه پوښتنې پیدا شوي.
د رومانیا ولسمشر کلاوس یوهانیس پر یاده پېښه خپګان ښودلی او د قربانیانو له کورنیو سره یې خپله خواخوږي ښودلې. ولسمشر کلاوس پرامنیتي ځواکونو امر کړی چې په پېښه کې ټول لاس لرونکي ونیسي.

Show More

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button