تېر ماښام د بګرام په هوایي اډه ۲ توغندي ویشتل شوي
عزم : سه شنبه 8 جدی 1394) د پروان ولایت په بګرام هوایي اډه چې بهرني ځواکونه په کې مېشت دي ۲ توغندي ویشتل شوي دي.
خبر وایي ، ۲ توغندي تېر ماښام ۷ بجې توغول شوي چې اډه کې د ننه لګېدلي دي .
طالبانو هم په لیږلي اېمېل کې ویلي ، ۲ توغندي یې د باګرام په هوایي آډه توغولي چې په هدف لګېدلي او دښمن ته یې تلفات اړه ولي .
اونۍ وړاندې هم د بګرام په ولسوالۍ کې د امریکایي ځواکونو په کتار طالبانو سرتیری برید کړی وه ، په تېر برید کې امریکایي ځواکونو د ۶ امریکایي عسکرو، د وژلو خبر ور کړی وه ، خو بل پلو وسله والو طالبانو ویلي وه ، په امریکایي ځواکونو سرتیري برید کې ۱۹ امریکایي عسکر وژل شوي دي
اصف افغان