په فيسبوک کې دملامحمد عمر مجاهد دوفات په اړه د خلکو تاثرات

پرون طالبانو د خپل مشر د مړينې د خبر له تائيدولو وروسته د ټولنيزې شبکې فيسبوک کاروونکو د ملامحمد عمر مجاهد په اړه خپل دخواشينۍ او خفګان تاثرات ليکلي دي د فيسبوک د څو فعالانو تاثرات او ليکنې لوستلی شئ.

قاري سعيد

ولاتهنوا و لاتحزنوا

د ایمان او سنګر ملګرو ! د پریشانۍ لپاره هیڅ توجیه او دلیل نشته یوازې د شیبو انتظار په کار دی ترڅو داسلامي امارت نوي تشکیلات رسما ډاګیز شي
زما خو یي په خبریدلو زړه ټکور شوی ان شاءالله ستاسو له زړو به هم د غم او پریشانۍ ګردونه وڅنډي
ویاړ په خدایپال قیادت.
قاري سعيد په خپل دوهم پوسټ کې  ليکلي
د ملاصاحب برکات

د ملامحمد عمر مجاهد د پاڅون او جهادي انقلاب له برکته د پاټکي زرداد زوی د قران کریم حافظ او د غوایي انقلاب د لوی ډم خان قره باغي زوی سپیڅلی مجاهد او د امریکایانو قاتل شو.

رحيم الله بريال

ﻋﺎﻟﯿﻘﺪﺭ ﺍﻣﯿﺮﺍﻟﻤﺆﻣﻨﯿﻦ ﺭﺣﻤﻪ ﺍﻟﻠﻪ ﮐﻪ ﺟﺴﻤﺎ ﯾﻮ ﺷﺨﺺ ﻭ ﻣګﺮ ﭘﻪ ﻣﻌﻨﻮﻱ ﻟﺤﺎﻅ ﻧﻮﻣﻮړﯼ ﯾﻮ ﺧﻮځښﺖ،ﯾﻮﻩ ﻧﻈﺮﯾﻪ ﺍﻭ ﺩ ﯾﻮﻩ ﻣﻘﺪﺱ ﺍﺭﻣﺎﻥ ﺣﺎﻣﻞ ﻭ،
ﮐﻪ څﻮﮎ ﻏﻮﺍړﻱ ﺩ ﻫﻐﻪ ﺭﻭﺡ ﺧﻮﺷﺎﻟﻪ ﮐړﻱ ﺍﻭ ﻟﻪ ﻫﻐﻪ ﺳﺮﻩ ﺩ ﻭﻓﺎ ﺛﺒﻮﺕ ﻭړﺍﻧﺪﻱ ﮐړﻱ،ﻧﻮﺑﺎﯾﺪ ﺩ ﻧﻮﻣﻮړﻱ ﻟﻪ ﻣﯿﺮﺍﺙ ﺍﺳﻼﻣﻲ ﺍﻣﺎﺭﺕ ﺳﺮﻩ ﻭﻓﺎ ﻭﮐړﻱ،ﺩ ﺍﺳﻼﻣﻲ ﻧﻈﺎﻡ ﺩ ﺍﻋﺎﺩﯤ ﻟﭙﺎﺭﻩ ﭘﻪ ﺩﯤ ﺷﺮﺍﯾﻄﻮ ﮐﯥ ﭘﻪ ﺣﯿﺚ ﺩ ﻣﺴﻠﻤﺎﻥ ﺩﺍﺯﻣﻮږ ﺩ ﻓﺮﺩ ﻓﺮﺩ ﻭﻇﯿﻔﻪ ﺩﻩ ﭼﯥ ﺩ ﺍﺳﻼﻣﻲ ﺍﻣﺎﺭﺕ ﺩ ﻗﻮﺕ،ﻭﺣﺪﺕ ، ﭘﺮﺍﺧﺘﯿﺎ ﺍﻭ ﺑﺮﯾﺎ ﻟﭙﺎﺭﻩ ټﻮﻟﯥ ﻫڅﯥ ﭘﻪ ﮐﺎﺭ ﻭﺍﭼﻮﻭ، ﺩﺩﯤ ګډ ﮐﻮﺭ ﺑﻨﯿﺎﺩﻭﻧﻪ ﻻ ﭘﺎﺧﻪ ﮐړﻭ،ځﮑﻪ ﺯﻣﻮږ ﺩ ﻣﺴﻠﻤﺎﻥ ﺍﻭﻟﺲ ﺍﻭ ﻣﺠﺎﻫﺪ ﻗﺸﺮ ﻋﺰﺕ ﺍﻭ ﺳﺮﻟﻮړﻱ ﯾﻮﺍﺯﯤ ﺩ ﻫﻤﺪﻏﻪ ﺻﻒ ﭘﻪ ﻗﻮﺕ ﺳﺮﻩ ﺗﻀﻤﯿﻨﺪﻟﯽ ﺷﻲ .

محب الله وثيق

زه وعده کوم چې تر وروستۍ سلګۍ به د هغه چا مقابله کوم د چا چې اميرالمؤمنين ملا محمد عمر مجاهد رحمه الله مقابله کړې او د خپلو مشرانو لخوا د هر هغه امير بشپړ اطاعت به کوم چې هغوی يې زما لپاره وټاکي.
ان شاءالله العزيز

رشتين زابلوال
وروڼو! سړي به خود مري، خو هغو ی به د تل لپاره ژوندي وي چې فکر او د فکر مخلص لاروي پریږدي، که امیر المؤمنین وفات شو خو تر شا یې یو فکر او د فکر په لکوو لارویان پریښي دي، ځکه به نو ملا محمد عمر مجاهد تل په زړونو او تاریخونو کي ژوندی وي، رحمه الله رحمة واسعة.

احمد ګل ريان
غليمه ! موږ يتيمان مه بوله او دا فکر مه کوه چې په يوه او بله به وشيندل شو.
لله الحمد موږ داسي مشر نه يو پريښي چې د مادياتو په بدل يې ستا سر واهه، زمونږ مشر داسي څوک نه و چې د نغدو په زور يې ورپسې روان کړي وو.
ته بايد پوه شې چې موږ د داسي چا پيروي کوله او کوو به يې چې له دعاګانو پرته نه يې يوه انه راکړې او نه يې رانه غوښتې ده؛ بلکه يو داسي څوک وو چې زړونه مو ورسره يوازي او يوازي د اعلاء کلمة الله لپاره په روانه مبارزه کې د صداقت په رسۍ تړلي وو.

محمد قدوسي
إنا لله وإنا إليه راجعون.
ــــــــــــــــ
دملا محمد عمر مجاهد رحمه الله دمړېنی له رسمي خبرتیا وروسته دمرحوم کورنۍ، مینه والو، معتقدینو، او دافغانستان مؤمن او دینداره ملت ته د زړه له کومي تسليت وايم .
الله تعالی دي دمرحوم ځای جنة الفردوس او تشه دې په با کفایته، ځواکمن، متدين او دملت او امت په خواخوږي حكيمانه او عالمانه قيادت ډکه کړی.

قال تعالى :

وَمَا مُحَمَّدٌ إِلا رَسُولٌ قَدْ خَلَتْ مِنْ قَبْلِهِ الرُّسُلُ. أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ. وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئًا. وَسَيَجْزِي اللَّهُ الشَّاكِرِينَ.

وقال تعالى:

إِنَّكَ مَيِّتٌ وَإِنَّهُم مَّيِّتُونَ . ثُمَّ إِنَّكُمْ يَوْمَ الْقِيَامَةِ عِندَ رَبِّكُمْ تَخْتَصِمُون

وقال تعالى:َ

كل من عليها فان ويبقى وجه ربك ذو الجلال والإكرام

اللهم اغفر له وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الابيض من الدنس وابدله دار خيرا من داره واهلا خيرا من اهله وزوجا خيرا من زوجه وادخله الجنه واعذه من عذاب القبر ومن عذاب النار اللهم أجرنا فی مصیبتنا، واخلف لنا خیرا منها ….. أمين يا رب العالمين

 

مشفق حريت مل

زما مرحوم رهبره!!
ــــــــــــــــــــــــــــــ
مونږ د غمونو په دې نړۍ کې هره ورځ دغم او انديښنو پريمانه خبرونه اورو
هره ورځ د اسلامي امت دغمونو او ساندو انګازې پورته کيږي
هره ورځ د اسلامي امت دسپېڅلي کاروان سلګوونه تنه د شهادت لوړ مقام ته پورته کيږي.
د غمونو د تسلسل لړۍ لا پسې اوږديږي
هره ورځ مو قلم د خوښۍ په ځای د انديښنو او غمونو توري کاږي
هره ورځ له يوه نه يوه چا سره د غم دغه کليشه يې کلمه بدرګه کوو چې
((په غم مو شريک يو))
خو……..
له پرون راهيسې مې ډېر ځل دڅه ليکلو جرئت وکړ
خو قلم او ګوتې فکر او دماغ حيران وو چې څه وليکي؟
د اسلامي امت دغه بې ساری غم او زمونږ يتيمتوب څه ډول انځور کړي؟
هيڅ يې ونه شوای کړای
خو بيا هم ددغه درانه غم له ياده د وتلو په اړه هيڅ تصور نه شي کيدای
دا غم يوازې د يو شخصيت غم نه دی
دا غم يوازې د يوې کورنۍ غم نه دی
داغم يوازې د يو قوم او قبيلې غم نه دی
دا غم یوازې د افغانستان د مسلمانانو غم نه دی
دا غم د نړۍ دهر نژاده،هره ژبې او هر هېواد د مسلمان غم دی
ځکه چې لوی ملا صيب د نړۍ د هر مسلمان له پاره فکر درلود
ملاصیب ته د نړۍ د هر مسلمان د دردونو زګيروي احساسول
ملا صیب ته هرمسلمان محترم و
نو ځکه يې د يو عرب (اسامه بن لادن) له سره خپله واکمني قربان کړه
او ځان يې په نړيوال تاريخ کې يو بې ساری غيرتي او ننګيالی شخصيت ثبت کړ
د ارواښاد ملاصیب په غم او ويرنه دخپل کور د يوه مشر او ستر شخص د مړينې په څېر خفه يم
خو په دې ډاډ خپل غم سپکووم چې شکر د لوی ملاصیب له فيض او برکت څخه مونږ ته يو بل باوري او دروند قيادت نصيب شو چې ان شاء الله په ښه توګه به د اسلامي امت د رهبرۍ او قيادت دغه ستر رسالت په ښه توګه پرمخ يوسي.
مونږ د لوی ملاصیب په مسير دتلوونکي بل ستر قايد ملا اخترمحمد منصور (حفظه الله ) سره بيعت کوو او د اسلامي نظام د بريا او په چارو کې ورته د برياليتوب دعا کوو.

زما مرحوم رهبره!!!
له لوی څښتن څخه درته د جنت الفردوس دعا غواړم
الله ج دې د انبياوو،صديقينو او شهداوو په کتار کې راپورته کړه
او الله ج دې زموږ حشر هم له تاسو سره وکړي
الله ج دې د اسلامي نظام له پاره هره ستړيا،تکليف،درد،زحمت او کړاوونه قبول کړه.
روح دې ښاد او پرګور دې رحمتونه

اتل افغان

اې امريکا، د هغې همفکره، ملاتړيه او غلامه ! ته په دې مه خوشحالېږه چې لوی ملاصاحب رحمه الله وفات شو؛ وجه دا درته په ډاګه کوم چې له ما ونيسه بيرته تر ما پورې د وطن هر فرد فرد درته ملا محمد عمر مجاهد دی.
ته بايد په دې خبره خواشيني ځکه څرګنده کړې چې د ملا صاحب رحمه الله په رحلت سره د ده د بهير يارانو ته د وحدت الصف يو بل لامل هم برابر شو، اوس به دوی هر يو په خپل ټول وس هڅه کوي چې د ملاصاحب رحمه الله په پل قدم کيږدي او تر وروستۍ سلګۍ د هغه لاره تعقيب کړي، چې په دې کې به ته هيڅکله د خير مخ ونه ګورې.
زه وعده کوم چې تر وروستۍ سلګۍ به د هغه چا مقابله کوم د چا چې اميرالمؤمنين ملا محمد عمر مجاهد رحمه الله مقابله کړې او د خپلو مشرانو لخوا د هر هغه امير بشپړ اطاعت به کوم چې هغوی يې زما لپاره وټاکي.
ان شاءالله العزيز

چينار ټکور

انالله واناالیه راجعون
دعالیقدرامیرالمؤمنین ملامحمدعمر مجاهد دوفات کېدوله امله ټولي اسلامي نړۍ بالخصوص دهغه کورنۍاوداسلامي امارت سرسپارلومجاهدینوته تسلیت وړاندي کوم، له خدایه ورته دجمیل صبرغوښتونکی یم، او مرحوم ملاصاحب ته اعلی جنتونه غواړم، یقینا داسلامي نړۍ لپاره ددرد اوسترغم خبردی، باوري یم چې خدای به ددغه سترغم بدله ژرترژرراکړي
ان شاءالله

مدثر همراز

هغه مشر هغه د نړي د مسلمانانو مخلص امير شهيد مجاهد ملا محمد عمر چي يوه ورځ يي هم د خپل هيواد يعني له سنګره په پاکستان يا په کوم بل هيواد کي نه ده تيره کړي,
هغه دي الله ج د صديقنو انبياو او شهداو سره يو ځاي کړي امين
انا لله وانا اليه راجعون
اوس نو زه د يو مسلمان په حيث د مشرانو شورا ته دا مشوره ورکوم او دا مي ارمان دي چي له ملا صيب ورسته هم داسي يو امير ولرو چي له خپل هيواد يعني له سنګره پرته يي په بل هيواد کي يوه شپه هم نه وي تيره کړي او دا څوارلس کاله يي پوره په اخلاص دا مبارزه پر مخ بيولي وي.
او يا هم له دي ورسته د هرچا له اثر او مجبوريته ازاد له خپل هيواده د امارت اعلان وکړي نو د فتح سيمو حق به ادا شي او نور فتوحات به مو لاري څاري.

نصر الله غزنوي
مشره غم دي ډېر دروند دی.
د اسلامي امارت د مشر، د طالبانو داسلامي غورځنګ دقائد امیرالمومنین مرحوم ملامحمدعمرمجاهدرحمةالله تعالی علیه د وفات له امله د نوموړي درنې کورنۍ په ځانګړي توګه قدرمن او محترم مولوي محمد یعقوب صېب او پتمن او عزتمند ملا عبدالمنان اخوند، دامارت ټولو مخلصو مجاهدینو، مشرانو، او دافغانستان ټول مجاهد اوغازي ولس، دنړۍ ټولومجاهدینو او مسلمانانو ته د زړه له کومي تسلیت وړاندي کوم.
پالونکی څښتن دي محترم ملا صېب ته د جنت الفردوس په اعلی علیین کي لوړ مقام ورپه برخه او موږ او دنړۍ ټولو مجاهدینو او مسلمانانو ته دي د زړه زغم راپه برخه کړي.
انالله وانا الیه راجعون.
اللهم اغفره وارحمه وتجاوز عن سیآته یا رحمن یا رحیم، اللهم احشرنا واحشرهم في زمرة النبیین والصدیقین والشهداء والصالحین وحسن اولئک رفیقا.

عبدالرقيب رقيب

له درې ورځنۍ فاتحې وروسته باید جهاد په عادي بڼه نه وي بلکي یو فدایي تهاجم وي ترڅو د شریعت د نفاذ لپاره سیمي ازادي شي او نړۍ ته روښانه شي چي ملا محمد عمر یو شخص نه بلکي یو خوځښت دی چي د شریعت لپاره وخت په وخت جوش کوي
د قلم له جهاده نیولي تر فدایي حملې پوري هرڅه ته د نوې امیر المؤمنین تر امر لاندي ژمن او تیار یم په دې کیسه کې نه یم چي امیر څه نوم او کوم قوم لري فقط د شریعت موافق امر دي کوي دا مي له الله سره وعده چي په سر او مال به یې اجرا کوم.
له تاسو ټولو مجاهدینو د دې تعهد غوښتنه لرم.
اسماعيل نثار

امیرالمؤمنین ملا محمد عمر مجاهد (رحمت الله علیه) په قرآن او احاديثو په سهي معنی عمل کولو ځکه خو ورته الله تعالی دومره لوی مقام ورکړ چې نړۍ ورته حیرانه وه، مجاهدين هم باید همدغه د بري ستره معجزه (قرآن) د ژوند ريښتينی او په هره پریکړه کې عملي مشال وګرځوي، ان شاءالله بریا به د دوی په برخه وي او که د ځان غوښتنو په مرض اخته شول نو قسم درته خورم چې له اربکیانو به هم زیات ذليل شي. سختو سترو امتحانونو سره به مخ کېږو، میدانونه لا پاته دي

 عبداللطيف نظيف