لوګر کې د دولتي ځواکونو په دیسي توپونو د یوې کورنۍ څلور غړي شهیدان شوي
عزم(چهارشنبه، ۲۶ غبرګولی ۱۴۰۰): له لوګر ولایت څخه په ورکړل شویو راپورونو کې راغلي چې د دغه ولایت په محمداغې ولسوالۍ کې د دولتي ځواکونو د دیسي توپ مرمۍ په یوه کور لګیدلې چې مرګ ژوبله یې اړولې.
راپور کې راغلي چې دغه پیښه د محمداغې ولسوالۍ اړوند د سرخاب کلي سوړیا سیمه کې رامنځته شوې چې له امله یې ۴ تنه ملکیان په شهادت ورسیدل، ۵ تنه نور ژوبل شول.
د سیمې خلک وایي چې د دې ترڅنګ پراخ مالي زیانونه هم ورته اوښتي.
په دې وروستیو کې د دولتي ځواکونو سیمو له لاسه وتلو سره هم مهاله په ملکي خلکو د بریدونو راپورونه هم زیات شوي چې ړندې بمبارۍ او د توپونو بریدونو یې ملکیان ډیر وارخطا کړي دي.