فاریاب: د خواجه سبزپوش ولسوالي امنیې قوماندان له ۱۳عسکرو سره یوځای طالبانو ته ورغلی
عزم،جمعه، ۲۸غبرګولی۱۴۰۰):راپورونه وایي چې د فاریایاب ولایت د خواجه سبزپوش ولسوالي امنیې قوماندان “ګل اختیار عرب” له خپل ۱۳کسیز پرسونل سره یوځای طالبانو ته تسلیم شوی دی.
د دغه ولایت د ولایتي شورا مرستیال صبغت الله سیلاب وایي چې دا مهال د یادې ولسوالۍ مرکز له څلورو خواوو څخه د محاصرې په حالت کې ده او امنیتي سرتیري سیمه کې کلابند دي.
پژواک آژانس د نوموړي له قوله وایي چې دولتي ځواکونه له مرکز میمنې څخه د ډیسي توپونو په مټ د خواجه سبز پوش ولسوالۍ اړوند سیمې هدف ګرځولې او ترڅنګ یې چورلکې هم سیمه کې هوایي بریدونو ته استول شوې دي.
که څه هم د ولایتي شورا مرستیال وایي چې له یادې ولسوالۍ سره د مخابرې له لارې تماس کې ده، خو یوې امنیتي سرچینې رسنیو ته دا هم ویلي چې د یادې ولسوالۍ او مرکز میمنې ترمنځ مخابراتي اړیکه شلیدلې ده..
ځایي خبریال حسن سرداش هم د امنیې قوماندان د تسلیمیدلو خبر ورکړی او ویلي یې دي چې دامهال د ولسوالۍ مقر کې د ملي اردو ځواکونه او نورې ملیشې حضور لري.
طالبانو تیره ورځ د یاد ولایت د شیرین تګاب ولسوالۍ هم له لسګونو عراده جاتو، سلګونو عسکرو او سلګونو میله وسلو سره یوځای نیولې وه چې نن یې نیمایي نیول شوي عسکر بیرته خوشي کړل