لغمان کې ۱۶ تنه عسکر طالبانو ته تسلیم شوي
عزم(شنبه، ۲۹ غبرګولی ۱۴۰۰): له لغمان ولایت څخه په ورکړل شویو راپورونو کې ویل شوي چې د دغه ولایت په علیشنګ ولسوالۍ کې یو شمیر عسکر طالبانو ته تسلیم شوي دي.
طالبانو هم ویلي چې نن مازدیګر د لغمان ولایت علیشنګ ولسوالۍ د یوې مهمې دفاعي پوستې ۱۶ تنه عسکر له خپلو ټولو وسلو او تجهیزاتو سره یو ځای ورسره یوځای شوي دي.
په دې اړه خپره شوې خبرپاڼه کې راغلي چې د دوی د مسئولینو له لوري یې کلک هرکلی وشو.
د یادونې وړ دی چې تیرو څو ورځو کې د هیواد په بیلا بیلو برخو کې سلګونه عسکر له وسلو او مهماتو سره طالبانو سره یوځای شوي دي.